ඊයේ (17) අලුයම අනියම් පෙමක් සම්බන්ධයෙන් හටගත් ගැටුමක් දුරදිග යාමෙන් තියුණු ආයුධයකින් පහරදී සැමියා විසින් සිය බිරිඳව ඝාතනය කළ සිදුවීමක් වටවල පොලීසියට වාර්ථා වී ඇත.
මෙලෙස ඝාතනයට ලක්ව ඇත්තේ වැලිඔය යූ.ඩී.කේ. කොටසේ පදිංචිව සිටි 27 හැවිරිදි එක් දරු මවකි.
මෙම කාන්තාව විදේශගතව සිට දැනට මාස 3කට පෙර සිය සැමියා පදිංචිව සිටි ගලහා පුපුරැස්ස ප්රදේශයේ නිවසට පැමිණ ඇති අතර පසුව මීට සති දෙකකට පෙර ඇය සිය දරුවා ද සමග සිය මව පදිංචිව සිටි වැලිඔය වත්ත නිවසට පැමිණ තිබේ .
සිය බිරිඳ නැවතත් තමා වෙත නොපැමිනීම හේතුවෙන් සැමියා පෙරේදා දින (16) ඇය සිටි ප්රදේශයට ගොස් ඇත්තේ ඇයව නැවත රැගෙන එමට බව සඳහන් වේ.
කෙසේවෙතත් සිය බිරිඳ සම්බන්ධයෙන් ප්රදේවාසීන් ඔහුට පවසා ඇත්තේ ඇය එම ප්රදේශයේ තරුණයෙකු සමඟ පෙම් සබඳතාවක් පවත්වාගෙන යන බවටය.
ඒ සම්බන්ධයෙන් උරණ වූ සැමියා අනියම් සම්බන්ධය නවතා දමන ලෙස පවසමින් බිරිඳට බැන වැදි ඇති අතර දෙදෙනා අතර ඊයේ පස්වරුවේ සිටම බහින්බස්වීම් සිදු ව තිබේ.
පසුව ඊයේ අලුයම ඇය නිදි යහනේදී මෙලෙස ඝාතනය කර ඇති බව පොලීසිය සඳහන් කරන ලදි.
අවුරුදු 30ක් වයසැති සැකකරු සහ අනියම් පෙම්වතා වටවල පොලීසිය විසින් අත්අඩංගුවට ගෙන ඇත.
සැකකරුවන් හැටන් මහෙස්ත්රාත් අධිකරණය වෙත ඉදිරිපත් කරන බව පොලීසිය සඳහන් කර ඇත.
ඝාතනය සම්බන්ධයෙන් වටවල පොලීසිය විසින් වැඩිදුර පරික්ෂණ පවත්වනු ලැබේ.
