අයිස් මත්ද්‍රව්‍ය ග්‍රෑම් 250ක් සහ හෙරොයින් ග්‍රෑම් 50ක් සන්තකයේ තබාගෙන සිටි පුද්ගලයන් දෙදෙනෙකු, කොළඔ දකුණ කොට්ඨාස අපරාධ විමර්ශන කාර්යංශයේ නිලධාරීන් පිරිසක් විසින් ඊයේ (26) දින අත්අඩංගුවට ගෙන ඇත.
බොරැල්ල හා කිරුළපන ප්‍රදේශවල පදිංචිකරුවන් වන 17 වන වියේ පසුවන සැකකරුවන් බොරැල්ල කොටා පාර සහ බොස්නියා වත්ත ප්‍රදේශවලදී අත්අඩංගුවට ගෙන ඇත.
කොළඔ දකුණ කොට්ඨාස අපරාධ විමර්ශන කාර්යංශයේ නිලධාරීන් වෙත ලද තොරතුරක් මත සිදුකළ වැටලීම් දෙකකදී සැකකරු අත්අඩංගුවට ගෙන බොරැල්ල පොලීසිය වෙත ඉදිරිපත් කර ඇත.
සැකකරුවන් සම්බන්ධයෙන් වැඩිදුර විමර්ශන බොරැල්ල පොලීසිය විසින් සිදුකරනු ලබන බව පොලිස් මාධ්‍ය කොට්ඨාශය ප්‍රකාශ කරන ලදි.
