කොහුවල, කළුබෝවිල ප්රදේශයේ නිවසක කාමරයක් තුළ විදෙස් ජාතික කාන්තාවක් තියුණු ආයුධයකින් පහරදී ඝාතනය කර තිබේ.
මෙලෙස ඝාතනය වී ඇත්තේ වයස අවුරුදු 26ක් වූ චීන ජාතික කාන්තාවකි.
අදාළ කාන්තාව කොහුවල, කළුබෝවිල ප්රදේශයේ නිවසක පදිංචිව සිට ඇති බවත්, ඇයගේ මීට පෙර සිටි පෙම්වතා වන චීන ජාතිකයකු විසින් මෙම ඝාතනය සිදුකර ඇති බවත් මූලික විමර්ශනවලදී අනාවරණය වී ඇත.
සැකකරු අත්අඩංගුවට ගැනිම සඳහා කොහුවල පොලිසිය විසින් වැඩිදුර විමර්ශන සිදු කරනු ලැබේ.
