පසුගිය 29 වැනිද දින කහවත්ත, කට්ටංගේ ප්රදේශයේ පදිංචි 61 හැවිරිදි මැණික් ව්යාපාරිකයෙකු අතුරුදන්ව ඇති බවට පොලීසියට පැමිණිල්ලක් ලැබී ඇත.
එහිදී පොලීසිය සිදුකළ විමර්ශනයේදී අනාවරණය වී ඇත්තේ පසුගිය 28 වැනි දින අදාළ ව්යාපාරිකයා කහවත්ත – නීලගම මාර්ගයේ යතුරුපැදියකින් ගමන් කර ඇති බවටය.
පසුව ඔහුගේ එම යතුරුපැදිය කහවත්ත නීලගම මාර්ගයේ වංගුවක් අසළ නවතා තිබියදී හමුවූ අතර පසුගිය 29 වැනි දින ඔහුගේ ජංගම දුරකථනයද එම මාර්ගයේම තේ වතුයායක තිබී සොයාගන්නා ලදි.
සිද්ධිය සම්බන්ධව වැඩිදුර විමර්ශනය කළ පොලීසිය අතුරුදන්වූ මැණික් ව්යාපාරිකයාගේ සිරුර පතල් වළක තිබී පෙරේදා (30) දිනයේදී සොයා ගෙන ඇත.
ඒ අනුව සිදුකළ වැඩිදුර විමර්ශනයේ ප්රතිඵලයක් ලෙස ඝාතනය සම්බන්ධයෙන් සැකපිට අයෙකු පොලීසිය විසින් අත්අඩංගුවට ගෙන තිබේ.
කහවත්ත කට්ටංගේ ප්රදේශයේ පිහිටි ලඳු කැලෑවක සැකකරු සැඟව සිටියදී දෙල්වල පොලීසිය විසින් සැකකරු අත්අඩංගුවට ගෙන ඇත.
සිද්ධිය සම්බන්ධව විශේෂ පොලිස් කණ්ඩායම් රැසක් යොදවා සිදුකළ සෝදිසියකින් අනතුරුව සැකකරු අත්අඩංගුනට ගත් බව පොලීසිය සඳහන් කරන ලදි.
මෙලෙස අත්අඩංගුවට ගෙන ඇත්තේ කහවතුකන්ද ප්රදේශයේ පදිංචිකරුවෙක් බවද පොලීසිය පැවසීය.
සිද්ධිය සම්බන්ධව වැඩිදුර විමර්ශන දෙල්වල පොලීසිය විසින් සිදුකරනු ඇත.
