හෙරොයින් ග්‍රෑම් 05 මිලිග්‍රෑම් 200ක් සහ ග්‍රෑම් 07 මිලිග්‍රෑම් 300ක් සන්තකයේ තබාගෙන සිටි පුද්ගලයන් දෙදෙනෙකු, නුගේගොඩ කොට්ඨාස අපරාධ විමර්ශන කාර්යංශයේ නිලධාරීන් කණ්ඩායමක් විසින් ඊයේ (02) දින අත්අඩංගුවට ගෙන ඇත.
අංගොඩ සහ කොළොන්නාව ප්‍රදේශවල පදිංචිකරුවන් වන 24 සහ 40 වයස් වල පසුවන සැකකරුවන් කොළොන්නාව ප්‍රදේශයේදී අත්අඩංගුවට ගෙන ඇත.
නුගේගොඩ කොට්ඨාස අපරාධ විමර්ශන කාර්යංශයේ නිලධාරීන් වෙත ලද තොරතුරු මත සිදුකළ වැටලීම් දෙකකදී සැකකරුවන් අත්අඩංගුවට ගෙන වැල්ලම්පිටිය පොලීසිය වෙත ඉදිරිපත් කර ඇත.
සැකකරුවන් සම්බන්ධයෙන් වැඩිදුර විමර්ශන වැල්ලම්පිටිය පොලීසිය විසින් සිදුකරනු ලබන බව පොලිස් මාධ්‍ය කොට්ඨාශය ප්‍රකාශ කරන ලදි.
