හෙරොයින් ග්‍රෑම් 05 මිලිග්‍රෑම් 680ක් සහ ග්‍රෑම් 06 මිලිග්‍රෑම් 20ක් සන්තකයේ තබාගෙන සිටි පුද්ගලයන් දෙදෙනෙකු, අවිස්සාවේල්ල පොලිස් ස්ථානයේ නිලධාරීන් කණ්ඩායම් දෙකක් විසින් ඊයේ (01) දින අත්අඩංගුවට ගෙන ඇත.
ගලපිටමඩ සහ ඇපලපිටිය ප්‍රදේශවල පදිංචිකරුවන් වන 28 සහ 35 වයස් වල පසුවන සැකකරුවන් අවිස්සාවේල්ල විද්‍යාල මාවතේ පාලම අසලදී සහ නාපාවල හන්දියේදී අත්අඩංගුවට ගෙන ඇත.
අවිස්සාවේල්ල පොලිස් ස්ථානයේ නිලධාරීන් වෙත ලද තොරතුරු මත සිදුකළ වැටලීම් දෙකකදී සැකකරුවන් අත්අඩංගුවට ගෙන ඇත.
සැකකරුවන් සම්බන්ධයෙන් වැඩිදුර විමර්ශන තලංගම පොලීසිය විසින් සිදුකරනු ලබන බව පොලිස් මාධ්‍ය කොට්ඨාශය ප්‍රකාශ කරන ලදි.
