අයිස් මත්ද්‍රව්‍ය ග්‍රෑම් 10 මිලිග්‍රෑම් 400ක් සන්තකයේ තබාගෙන සිටියදී වැල්ලම්පිටිය පොලිස් ස්ථානයේ නිලධාරීන් කණ්ඩායමක් විසින් පෙරේදා (23) අත්අඩංගුවට ගෙන ඇත.
මීතොටමුල්ල ප්‍රදේශයේ පදිංචිකරුවකු වන 28 වන වියේ පසුවන සැකකරු මීතොටමුල්ල ප්‍රදේශයේ කරනු ලැබූ වැටලීමකදී අත්අඩංගුවට ගෙන ඇත.
මෙම සැකකරු වැල්ලම්පිටිය හා වැලිකඩ පොලිස් ස්ථාන වෙත වාර්ථා වී තිබූ ත්‍රිරෝද රථ සොරකම් කිහිපයකටද අවශ්‍යකර සිටි සැකකරුවකි.
සැකකරුගෙන් අනාවරණය වූ තොරතුරු මත සොරකම් කරන ලද ත්‍රිරෝද රථ 13ක් පොලිස් භාරයට ගෙන ඇති අතර එම ත්‍රිරෝද රථ වර්ණය, එන්ජින් අංක, චැසි අංක සහ අංක තහඩු වෙනස් කර හෝමාගම සහ කිරිඳිවැල ප්‍රදේශවල පුද්ගලයන් දෙදෙනෙකුට අලෙවි කර තිබියදී විමර්ශන නිලධාරීන් විසින් සොයාගෙන ඇත.
සැකකරු ඊයේ (24) දින අලුත්කඩේ අංක 02 ගරු මහෙස්ත්‍රාත් අධිකරණයට ඉදිරිපත් කිරීමෙන් අනතුරුව 2025.04.04 දක්වා රක්ෂිත බන්ධනාගාර ගත කර ඇත.
