අයිස් මත්ද්‍රව්‍ය මිලිග්‍රෑම් 410ක් සහ මත්කරල් 200ක් සන්තකයේ තබාගෙන සිටි පුද්ගලයෙකු යතුරුපැදියක් සමග පොලිස් විශේෂ කාර්ය බලකා උතුරු පළාත් විශේෂ වැටලීම් ඒකකයේ නිලධාරීන් පිරිසක් විසින් ඊයේ (21) දින අත්අඩංගුවට ගෙන ඇත.
මන්නාරම ප්‍රදේශයේ පදිංචිකරුවකු වන 26 වන වියේ පසුවන සැකකරු මන්නාරම ප්‍රදේශයේදී අත්අඩංගුවට ගෙන ඇත.
පොලිස් විශේෂ කාර්ය බලකා උතුරු පළාත් විශේෂ වැටලීම් ඒකකයේ නිලධාරීන් වෙත ලද තොරතුරක් මත මන්නාරම ජනතු නගර් මාර්ගයේදී සිදුකළ වැටලීමකදී සැකකරු අත්අඩංගුවට ගෙන මන්නාරම පොලීසිය වෙත ඉදිරිපත් කර ඇත.
සැකකරු සම්බන්ධයෙන් වැඩිදුර විමර්ශන මන්නාරම පොලීසිය විසින් සිදුකරනු ලබන බව පොලිස් මාධ්‍ය කොට්ඨාශය ප්‍රකාශ කරන ලදි.
