අයිස් මත්ද්‍රව්‍ය ග්‍රෑම් 100 සන්තකයේ තබාගෙන සිටි පුද්ගලයකු ගල්කිස්ස පොලිස් ස්ථානයේ නිලධාරීන් පිරිසක් විසින් ඊයේ (03) දින අත්අඩංගුවට ගෙන ඇත.
රත්මලාන ප්‍රදේශයේ පදිංචිකරුවකු වන 29 වන වියේ පසුවන සැකකරු ගල්කිස්ස මැලිබන් හන්දිය ප්‍රදේශයේදී අත්අඩංගුවට ගෙන ඇත.
සැකකරුගෙන් සිදුකල වැඩිදුර ප්‍රශ්න කිරීම් වලදී ලෙරි රථයක් තුළ සඟවා තිබූ තවත් අයිස් ග්‍රෑම් 700ක්, මත්ද්‍රව්‍ය ජාවාරමෙන් උපයා ගත් බවට සැකකරන රු.496,000ක මුදලක්ද සමග එම ලොරි රථයද අත්අඩංගුවට ගෙන ඇත.
ගල්කිස්ස පොලිස් ස්ථානයේ නිලධාරීන් වෙත ලද තොරතුරු මත සිදුකළ වැටලීමකදී සැකකරු අත්අඩංගුවට ගෙන ඇත.
සැකකරු සම්බන්ධයෙන් වැඩිදුර විමර්ශන ගල්කිස්ස පොලීසිය විසින් සිදුකරනු ලබන බව පොලිස් මාධ්‍ය කොට්ඨාශය ප්‍රකාශ කරන ලදි.
