අද (31) දින අලුයම් කාලයේ අම්බලන්තොට කොග්ගල්ල ප්‍රදේශයේ නිවසකට එල්ල වූ වෙඩි ප්‍රහාරයකින් පුද්ගලයෙකු තුවාල ලබා ඇත.
යතුරුපැදියකින් පැමිණි පුද්ගලයන් දෙදෙනෙකු විසින් මෙම වෙඩිතැබීම සිදුකර පලාගොස් ඇත.
මෙලෙස වෙඩි ප්‍රහාරයට ලක්ව ඇත්තේ අම්බලන්තොට, කොග්ගල්ල ප්‍රදේශයේ පදිංචි 30 හැවිරිදි පුද්ගලයෙකි.
තුවාලකරු, වෙනත් පාර්ශවයක් සමඟ කලක පටන් පැවති පුද්ගලික ආරවුලක් හේතුවෙන් මෙම වෙඩිතැබීම සිදුකර ඇති බවත්, වෙඩිතැබීම සඳහා මෙරට නිශ්පාදිත ගිනිඅවියක් යොදාගෙන ඇති බවත් මෙතෙක් සිදුකල විමර්ශන වලදී පොලිසිය විසින් සොයාගෙන ඇත.
සැකකරුවන් අත්අඩංගුවට ගැනීම සඳහා වැඩිදුර විමර්ශන අම්බලන්තොට පොලීසිය විසින් සිදුකරනු ලබන බව පොලිස් මාධ්‍ය කොට්ඨාශය ප්‍රකාශ කරන ලදි.
