පුත්තලම ප්රදේශයේ ත්රිරෝද රථ රියදුරෙකු ඝාතනය කර එම රථය කොල්ල කෑ බව කියන සැකකරුවෙකු පුත්තලම පොලීසිය විසින් අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ පුත්තලම, තිල්අඩිය – රත්මල්යාය පදිංචි 16 හැවිරිදි අයෙකුය.
එහිදි අනාවරණය වි ඇත්තේ මෙලෙස ඝාතනය වී ඇත්තේ පසුගිය 21 වැනි දින සිය ත්රීරෝද රථයෙන් කුලී ගමනක් සඳහා පිටත්ව ගිය අබ්දුල් ලතීෆ් නම් 75 හැවිරිදි අයෙකු බවය.
එදින රාත්රි 9.30ට පමණ සිය නිවසට පැමිණ ඇති මෙම සැකකරු සමග මරණකරු අදාළ කුලී ගමන පිටත්ව ගොස් ඇති බවත් පොලිස් විමර්ශනවලදී අනාවරණය වී තිබේ.
අදාළ ත්රීරෝද රථය කොල්ලකෑම සඳහා රියදුරුගේ ගෙල ප්රදේශයට තියුණු ආයුධයකින් සැකකරු විසින් පහරදී රියදුරු ඝාතනය කර ඇති අතර පසුව ඔහුව දමා ත්රීරෝද රථය පැහැරගෙන ගොස් ඇත.
පසුව පුත්තලම මුල්ලෙයි නිවාස සංකීර්ණයේ දේවස්ථානයක් ආසන්නයේ සැකකරු විසින් ත්රීරෝද රථය අත්හැර දමා ගොස් ඇති අතර පොලීසිය විසින් රථය පොලිස් භාරයට ගෙන තිබුණි.
ඒ අනුව සිදුකළ විමර්ශනයේදී සිද්ධිය සම්බන්ධව සැකකරු පොලීසිය විසින් ඔහුගේ නිවසේ සිටියදී ඊයේ (22) දින අත්අඩංගුවට ගෙන තිබේ.
සැකකරු අධික ලෙස මත්ද්රව්යවලට ඇබ්බැහි වී සිටින අයෙකු අතර මුදල් සහ ත්රීරෝද රථය කොල්ලකෑම සඳහා මෙම ඝාතනය සිදුකළ බවද සැකකරු පොලීසිය හමුවේ පවසා ඇති බවද පොලීසිය විසින් සඳහන් කරන ලදි.
සිද්ධිය සම්බන්ධව පුත්තලම පොලීසිය විසින් වැඩිදුර විමර්ශන පවත්වනු ලැබේ.
