පසුගිය 21 දා රාත්‍රී දෙවිනුවර සිංහාසන පාරේ සිදුවූ ද්විත්ව ඝාතනය සම්බන්ධයෙන් තවත් පුද්ගලයකු මාතර කොට්ඨාශ අපරාධ විමර්ශන කාර්යංශයේ නිලධාරීන් කණ්ඩායමක් විසින් අත්අඩංගුවට ගෙන ඇත.
දෙවිනුවර ප්‍රදේශයේ පදිංචිකරුවකු වන 34 වියැති සැකකරු ගන්දරදී අත්අඩංගුවට ගෙන ඇත.
ද්විත්ව ඝාතනය සඳහා සැකකරුවන් පැමිණි බවට සැකකරන වෑන් රථයට ඔවුන් විසින්ම ගිණිතබා අනර්ථය සිදුකිරීම සම්බන්ධයෙන් මාතර කොට්ඨාශ අපරාධ විමර්ශන කාර්යංශයේ නිලධාරීන් කණ්ඩායමක් විසින් සැකකරුව අත්අඩංගුවට ගෙන ගන්දර පොලීසිය වෙත භාර දී ඇත
සිද්ධිය සම්බන්ධයෙන් මේ වන විට සැකකරුවන් 5 දෙනකු අත්අඩංගුවට ගෙන ඇත.
සිද්ධිය සම්බන්ධයෙන් වැඩිදුර විමර්ශන ගන්දර පොලීසිය හා මාතර කොට්ඨාශ අපරාධ විමර්ශන කාර්යංශය විසින් සිදුකරනු ලබන බව පොලිස් මාධ්‍ය කොට්ඨාශය ප්‍රකාශ කරන ලදි.
